Datuen babesari buruzko oinarrizko informazioa

Tratamenduaren arduradunak

Ibilgailuak ikuskapena zein ITV Estaziotan egiten duen kontuan hartuta, tratamenduaren arduraduna hau izango da:

APPLUS ITEUVE TECHNOLOGY, S.L.U. (Applus Iteuve).
Egoitza Soziala: Parque Empresarial Las Mercedes, Calle Campezo Nº1, Edificio 3, 28022 Madril.
I.F.K.: B.-81.041.444.

APPLUS ITEUVE EUSKADI, S.A. (Applus Euskadi).
Egoitza Soziala: Ugaldeguren I Poligonoa, 8. Partzela. 48170 Zamudio (Bizkaia).
I.F.K.: A48551915

Iteuve Canarias, S.L.U. (Iteuve Canarias)

Egoitza Soziala: Camino de San Lázaro 166, Los Rodeos 38206, San Cristóbal de La Laguna, Santa Cruz de Tenerife.

I.F.K. B-76.168.590 

Aurrerantzean, guztiak batera “Applus+”

Informazio gehiago

Helburuak

(a) Ibilgailuen ikuskapen teknikorako aurretiko hitzorduaren zerbitzua kudeatzea, bai eta zerbitzuaren lineako ordainketa kudeatzea ere, eta hala badagokio, aurretiko hitzorduaren baieztapen-oharrak / gogorarazpenak bidaltzea posta elektronikoz eta/edo SMS, MMS mezuen bidez edo berehalako mezularitza-zerbitzuen bidez (adib. WhatsApp) edo baliokideak diren beste bitarteko elektroniko batzuen bidez, ikuskapen-lerrorako sarbide zuzenaren baieztapen-oharrak, sartzeko informazioa eta jarraibideak, bai eta, hala badagokio, faktura formatu elektronikoan posta elektronikoz bidaltzea ere.

(b) Bezeroei ikuskapen teknikoaren zerbitzua ematea kudeatzea, bai eta ikuskapen horiei buruz araudiak eskatzen duen dokumentazioaren kudeaketa eta zerbitzuaren kontabilitate-, zerga- eta administrazio-kudeaketa ere.

(c) ITV prestakuntza-ikastaroak ematea kudeatzea.

(d) Agintari arautzaileekin eta Segurtasun Indarrekin lankidetzan aritzea, aplikagarriak diren lege-betebeharrak betetzeko beharrezkoa denean, Pribatutasun Politika honen 4. Atalean xedatutakoaren arabera.

(e) Ibilgailuen ikuskapen teknikoaren zerbitzuei buruzko iradokizunak, kontsultak eta/edo erreklamazioak behar bezala kudeatzea, artatzea eta haien jarraipena egitea, telefono-deien bidez, posta arruntaren bidez edo posta elektronikoz, SMS, MMS edo berehalako mezularitza-zerbitzuen bidez mezuak bidaliz (adib. WhatsApp) edo baliokideak diren beste bitarteko elektroniko batzuen bidez.

(f) Eskainitako zerbitzuaren gogobetetze-maila kudeatzea, posta elektronikoz inkestak eginez.,

(g) Hurrengo ikuskapenaren eta ikuskapenaren epemugaren gogorarazpen-oharrak kudeatzea, telefono-deien bidez, posta arruntaren bidez edo posta elektronikoz SMS, MMS edo berehalako mezularitza-zerbitzuen bidez mezuak bidaliz (adib. WhatsApp) edo baliokideak diren beste bitarteko elektroniko batzuen bidez.

(h) Bide Segurtasuneko Aholkuak, ITVko Promozioak eta deskontuak eta/edo produktu eta zerbitzu propioei buruzko komunikazio komertzialak aldizka jakinaraztea, posta elektronikoz, SMS, MMS edo berehalako mezularitza-zerbitzuen bidez (adib. WhatsApp) edo baliokideak diren beste bitarteko elektroniko batzuen bidez.

(i) Izena ematen duzun zozketa eta promozioetan parte hartzea;

Oinarri legitimatzaileak

(a) Interesduna alderdi den kontratu bat betetzea.

(b) Applus+ lotuta dagoen indarreko lege-betebeharrak betetzea.

(c) Interes legitimoa.

(d) Baimena.

Datu Pertsonalak

Identifikazio-datuak: izena eta abizenak, sinadura, eta, faktura eskatuz gero edo ITV prestakuntza-ikastaroetan matrikulatuz gero, I.F.Z.

• Harremanetarako datuak: Helbidea, Herria, Posta Kodea, Autonomia Erkidegoa, posta elektronikoa, harremanetarako telefonoa eta probintzia.
• Zerbitzua ordaintzeko datuak: zordunketa- edo kreditu-txartela, banku-kontuak (fakturazio geroratua bada).
• Bestelakoak: ibilgailuaren matrikula, bastidore-zenbakia, titulazio ofizialaren kopia (ITV prestakuntza-ikastaroetarako soilik).

Bezeroak pertsona juridikoak badira: sozietateko ordezkariaren edo harremanetarako pertsonaren izena eta abizenak, telefonoa eta harremanetarako datuak.

Hartzaileak

Applus taldeko enpresak eta beste zerbitzu-emaile batzuk

Segurtasun indar eta kidegoak, epaile eta auzitegiak, entitate arautzaileak, gobernu-agintariak edo eskumena duten beste hirugarren batzuk.

Nazioarteko transferentziak

Zure Datu Pertsonalak Europar Batasuneko legeriaren arabera datu pertsonalen babes-maila egokia ematen ez duten herrialdeetara transferitu, bertan gorde eta tratatu daitezke. Berme egokiak ezarri ditugu (bereziki, kontratu-konpromisoak), zure datuak behar bezala babestuta egon daitezen,

Informazio gehiago

Eskubideak

Besteak beste, datu pertsonaletara sartzeko, zuzentzeko eta ezabatzeko eskubideak, datu pertsonalen tratamenduaren aurka egiteko eskubidea eta baimena ezeztatzeko eskubidea.

Eskubide horiek baliatzeko, posta elektroniko bat idatz dezakezu helbide honetara: rgpd.automotive@applus.com

Informazio gehiago

Informazio zabaldua

Informazio hau arretaz irakurtzea gomendatzen dizugu.

1. ¿Zer Datu Pertsonal biltzen ditugu?

1.1   Zuk zuzenean ematen dizkiguzun Datu Pertsonalak

1.2. Zuri buruz tratatzen ditugun beste Datu Pertsonal batzuk

1.3  Beste iturri batzuetatik biltzen ditugun Datu Pertsonalak

1.4  Hirugarrenei buruz ematen dizkiguzun Datu Pertsonalak.

2. Nola eta zein oinarriren arabera tratatzen ditugu zure Datu Pertsonalak?
3. ¿Zer eskubide dituzu zure Datu Pertsonalen gainean?
4. Nola eta norekin partekatzen ditugu zure Datu Pertsonalak?
5. Nola babesten ditugu zure Datu Pertsonalak?
6. Zenbat denboraz gordetzen ditugu zure Datu Pertsonalak?
7. Nazioarteko datu-transferentziak
8. Jarri gurekin harremanetan
9. Pribatutasun Politika honen aldaketak

Pribatutasun Politika honek deskribatzen du nola biltzen eta tratatzen dituen zure Datu Pertsonalak Applus Iteuvek, Applus Euskadik edo Iteuve Canariasek, kasuaren arabera (ibilgailuak ikuskapena egiten duen ITV estazioaren arabera), edo Applus Iteuvek soilik, ITV prestakuntza-ikastaroak ematearen inguruan; aurrerantzean, guztiak batera honela izendatuko dira: “Applus+”  . Politika honek deskribatzen du, halaber, nola erabiltzen eta babesten dugun informazio hori, eta zer eskubide dituzun horri dagokionez.

Applus+ erakundeak datu pertsonalak bilduko eta tratatuko ditu Tratamenduaren Arduradun gisa. Gurekin harremanetan jar zaitezke Applus+ (“Gu”) Politika honen 8. atalean  adierazitako kanalen bidez.

Pribatutasun Politika hau zuri buruz biltzen ditugun datu pertsonal guztiei aplikatzen zaie, ibilgailuen ikuskapen teknikoaren zerbitzuaren kudeaketari,  ITV prestakuntza-ikastaroak emateari eta gure webgunearen erabilerari dagokienez.

"Datu Pertsonalak" esan nahi du identifikatutako edo identifikagarria den pertsona fisiko bati buruzko edozein informazio («interesduna»); pertsona fisiko identifikagarritzat hartuko da identitatea zuzenean edo zeharka zehaztu daitekeen edozein pertsona, bereziki identifikatzaile baten bidez, hala nola izena, identifikazio-zenbakia, lineako identifikatzailea edo pertsona horren identitate fisiko, kultural edo sozialaren berezko elementu bat edo gehiago.

1. Zer Datu Pertsonal biltzen ditugu?

Zure Datu Pertsonalak hainbat iturriren bidez biltzen ditugu, besteak beste, zuk zuzenean ematen diguzun informazioa  gurekin harremanetan jartzean harremanetarako inprimakiaren bidez,  gure webgunean eskuragarri dagoen aurretiko hitzorduaren zerbitzuaren bidez eta/edo informazio-eskaerako edo ITV prestakuntza-ikastaroetan matrikulatzeko inprimakiak bete eta bidaltzean, jarraian deskribatzen diren baldintzetan:

Kontuan izan datu pertsonal jakin batzuk lege-aginduz bildu behar ditugula, edo zurekin ezarri dugun kontratu-harremanaren ondorioz. Informazio hori ez emateak betebehar horiek betetzea eragotzi edo atzeratu dezake. Zure datu pertsonalak biltzean, datu horiek emateko betebeharraren berri emango dizugu, bai eta ez emateak dituen ondorioen berri ere.

1.1 Zuk zuzenean ematen dizkiguzun Datu Pertsonalak

Zuzenean zuregandik bilduko ditugun Datu Pertsonalen kategoriak hauek dira:

• Identifikazio-datuak: Izena(k) eta Abizena(k); sinadura, I.F.Z. (fakturak igortzeko edo ITV prestakuntza-ikastaroetan matrikulatuz gero).
• Harremanetarako datuak: Helbidea, Herria, Posta Kodea, Autonomia Erkidegoa, telefono-zenbakia; posta elektronikoa eta probintzia.
• Zerbitzua ordaintzeko datuak: zordunketa- edo kreditu-txartelaren zenbakia;  banku-kontuaren zenbakia (fakturazio geroratua bada).
• Beste datu batzuk, hala nola: ibilgailuaren matrikula; ibilgailuaren bastidore-zenbakia; titulazio ofizialaren kopia (prestakuntza-ikastaroetarako soilik).
• Bezeroak pertsona juridikoak badira: ordezkarien edo harremanetarako pertsonen izena eta abizenak; posta elektronikoa; helbidea eta telefonoa.
• Automatikoki biltzen dugun informazioa cookieen edo gailuak identifikatzeko beste teknologia batzuen bidez. Cookieen eta Identifikazio Teknologien erabilerari buruzko informazio gehigarria aurki dezakezu Cookieen Politikan;

1.2. Zuri buruz tratatzen ditugun beste Datu Pertsonal batzuk

• Gurekin egin dituzun ikastaroen historialari buruzko datuak tratatzen ditugu;

(b)        E-learning plataformaren erabileraren bidez (www.applusnet.com), egiten dituzun ikastaroen ebaluazioen emaitzari buruzko informazioa prozesatzen dugu, bai eta egin dituzun konexioak ere

1.3  Beste iturri batzuetatik biltzen ditugun Datu Pertsonalak:  

Zuri buruzko Datu Pertsonalak biltzen ditugu Trafikoko Zuzendaritza Nagusiaren bidez: izena eta abizenak, N.A.N., bastidore-zenbakia, ibilgailuaren matrikula,  eta derrigorrezko asegurua duen ala ez adierazten duen informazioa.

Applus+ ez den beste entitate batekin ikuskapen ezezkoa jaso baduzu eta bigarren ikuskapena gure estazioren batean egin nahi baduzu, beste enpresaren espedienteko datuak bilduko ditugu zerbitzua eman ahal izateko.

Ikuskapen teknikoko txartelaren bikoiztu bat eskatzen badiguzu galtzeagatik edo beste edozein arrazoirengatik, ibilgailua matrikulatuta dagoen lekuko trafikoko probintzia-buruzagitzari edo udalari eskatuko diogu txartel horrek jasotzen duen informazioa. 

1.4. Hirugarrenei buruz ematen dizkiguzun datu pertsonalak

Zuk Applus+ erakundeari datu pertsonalak ematen dizkiozunean, hala nola harremanetarako informazioa eta/edo ibilgailuaren matrikula edo hirugarrenei buruzko beste edozein datu, zu izango zara zuzenean arduraduna pertsona horiei beren eskubideen berri emateaz eta haien baimen esplizitua lortzeaz, beharrezkoa denean, beren datu pertsonalen tratamenduari (lagapenak barne) dagokionez, beharrezkotzat jotzen den moduan eta datuen babesari buruzko tokiko legeria egokiaren arabera, politika honetan ezartzen den bezala. 

Zuri buruz biltzen ditugun Datu Pertsonalak jarraian adierazten diren helburuetarako eta oinarri legitimatzaileekin erabiltzen eta tratatzen ditugu:

(a)   Zure datu pertsonalak tratatuko ditugu zurekin dugun gure kontratu-harremana betetzeko eta, horrela, hauek egin ahal izateko:

(i)         Ibilgailuen ikuskapen teknikorako aurretiko hitzorduaren zerbitzuaren kudeaketa, aurretiko hitzorduaren baieztapen-/gogorarazpen-oharren kudeaketa barne, posta elektronikoz eta/edo SMS, MMS mezuen bidez edo berehalako mezularitza-zerbitzuen bidez (adib. WhatsApp) edo baliokideak diren beste bitarteko elektroniko batzuen bidez.

(ii)        Zerbitzuaren lineako ordainketaren kudeaketa, ikuskapen-lerrorako sarbide zuzenaren baieztapen-oharrak bidaltzea barne, sartzeko informazioa eta jarraibideak SMS, MMS mezuen bidez edo berehalako mezularitza-zerbitzuen bidez (adib. WhatsApp) edo baliokideak diren beste bitarteko elektroniko batzuen bidez, eta faktura formatu elektronikoan posta elektronikoz bidaltzea.

(iii)       Bezeroei ikuskapen teknikoaren zerbitzua ematearen kudeaketa, bai eta ikuskapen horiei buruz araudiak eskatzen duen dokumentazioaren kudeaketa eta zerbitzuaren kontabilitate-, zerga- eta administrazio-kudeaketa ere.

(iv)       ITV prestakuntza-ikastaroak ematearen kudeaketa.

(b)       Zure Datu Pertsonalak tratatuko ditugu, halaber, maila optimoa bermatzeko indarreko lege-betebeharren betetzeari dagokionez zeinei Applus+ lotuta baitago, bai eta agintari arautzaileekin eta segurtasun kidegoekin lankidetzan aritzeko ere, beharrezkoa denean, Pribatutasun Politika honen 4. Atalean xedatutakoaren arabera:

• Zure datu pertsonalak eta bestelako informazio osagarria jakinarazteko, eskumena duten agintariek eta/edo entitateek egindako eskaerei erantzunez, aplikagarria den legerian aurreikusitakoaren arabera, edo segurtasun kidegoetako agenteek beren eginkizunak betetzean egindako eskaerei erantzunez.

Aipatutako lege-betebeharrak betetzea, zeinei lotuta baitago Applus+, kasuaren arabera,  ibilgailuen ikuskapen teknikoaren zerbitzua emateko eskatzen direnak betetzeko exijitzen da, hala nola, besteak beste, urriaren 23ko 920/2017 Errege Dekretuak, ibilgailuen ikuskapen teknikoa arautzen duenak, ezarritakoak, bai eta gainerako arau bateragarriak eta aplikagarri zaizkion beste edozein ere Applus+;

(c)    Zure datu pertsonalak tratatuko ditugu gure interes legitimoan oinarrituta honako helburu hauetarako:

• Etorkizunean ikuskapen-zerbitzua kudeatzeko eta hobetzeko, hurrengo ikuskapenaren eta ikuskapenaren epemugaren gogorarazpen-oharrak eginez  telefono-deien bidez, posta arruntaren bidez edo SMS, MMS mezuen bidez edo berehalako mezularitza-zerbitzuen bidez (adib. WhatsApp) edo baliokideak diren beste bitarteko elektroniko batzuen bidez,
• Gure webgunea administratzeko;
• Zure iradokizunak, kontsultak edo erreklamazioak ebazteko;
• Gure webgunearen eta IT azpiegituraren segurtasuna eta/edo osotasuna babesteko;
• Posta elektronikoz inkestak bidaltzeko, kalitatea kontrolatzeko helburuarekin.
• Gure zerbitzuak nola erabiltzen dituzun ulertzeko, eta horrek gure webgunean eskuragarri dauden funtzionalitateak, errendimendua eta laguntza hobetzen eta garatzen jarraitzeko aukera eman diezagun; horrek gure bisitariei buruzko izaera estatistikoko informazio anonimoa ematea ekar dezake (informazio hori erabiltzaile jakin bat identifikatzeko erabili ezin dela);
• Pribatutasun Politika honen 4. Atalean aipatzen den moduan, besteak beste, gure langile, agente, merkataritza-bazkide edo Applus Taldeko beste enpresa batzuei komunikazioak egiteko, Datu Pertsonalak Pribatutasun Politika honetan deskribatutako helburuetarako tratatzen dituztenak;
• Guk kontratatutako hirugarren zerbitzu-emaileek eta hornitzaileek datu pertsonaletara sar daitezen, Pribatutasun Politika honetan deskribatutako helburuak betetzeko beharrezkoak diren zerbitzuak eman ahal izateko;
• Hirugarrenei egindako edozein komunikaziotarako, beharrezkoa denean due diligence prozesuen barruan, parte garen enpresa-berregituraketako eragiketen testuinguruan, Pribatutasun Politika honen 4 (d) Atalean xedatutakoarekin bat etorriz;
• Gure zerbitzuak pertsonalizatu ahal izateko;
• Izena emanda zauden prestakuntza-ekintzen jarraipena egiteko eta zure kontsultak eta eskaerak ebatzi ahal izateko;

Baldin eta Applus+, kasuaren arabera, Datu Pertsonalak bere interes legitimoetan oinarrituta tratatzen baditu, oreka-proba bat egingo du, gure interes legitimoaren gainetik zure interesak edo zure oinarrizko eskubideak eta askatasunak nagusi ez daitezen bermatzeko.

(d)       Zure Datu Pertsonalak honako helburu hauetarako tratatuko ditugu, betiere aldez aurretik zure baimena eman baduzu:

• Izena ematen duzun zozketa eta promozioetan parte hartzea;
• Bide Segurtasuneko Aholkuak, ITVko Promozioak eta deskontuak  eta/edo  Applus+ek eskaintzen dituen produktu eta zerbitzu propioei buruzko komunikazio komertzialak bidaltzeko;
• Zure datu pertsonalak ematen dizkiguzun unean jakinarazten zaizun beste edozein helburutarako, betiere tratamendu bakoitzerako aldez aurretik zure baimena eman badiguzu.

Zure Datu Pertsonalak tratatzeko baimena eskatzen badizugu, baimen hori edozein unetan ezezta dezakezu, gurekin harremanetan jarriz posta elektroniko bat bidaliz helbide honetara: rgpd.automotive@applus.com

3. Zer eskubide dituzu zure Datu Pertsonalen gainean?

Eskubide jakin batzuk dituzu zure Datu Pertsonalei dagokienez, tokiko legerian xedatutakoa gorabehera. Eskubide horiek hauek dira:

• Zure Datu Pertsonalak nola tratatzen ari garen jakitea eta Applus+ edo bere taldeko beste sozietate batzuek  zuri buruz dituzten Datu Pertsonaletara sartzea, kasuaren arabera;
• Datu Pertsonal okerrak edo osatugabeak zuzentzeko eskatzea;
• Zure Datu Pertsonalak ezabatzeko eskatzea, jada beharrezkoak ez direnean bildu ziren helburuetarako, aplikagarria den legeriaren arabera;
• Zure Datu Pertsonalen tratamendua mugatzea, zenbait egoeratan (kasu horretan, Datu Pertsonalak soilik tratatuko ditugu Applus+ erakundearen eskubideak baliatzeko eta/edo defendatzeko, kasuaren arabera);
• Zure Datu Pertsonalen tratamenduaren aurka egitea, zenbait egoera kontuan hartuta eta zure egoera partikularrarekin lotutako arrazoiengatik (kasu horretan, Datu Pertsonalak soilik tratatuko ditugu arrazoi legitimo inperatiboengatik edo eskubideak baliatzeko eta/edo defendatzeko Applus+ , kasuaren arabera );

Horrek barne hartzen du edozein unetan aurka egiteko duzun eskubidea, zure egoera partikularrarekin lotutako arrazoiengatik, gure edo hirugarren baten interes legitimoetan oinarrituta zure Datu Pertsonalak trata ditzagun; kasu horretan, zure Datu Pertsonalak tratatzeari utziko diogu, horretarako arrazoi legitimoetan oinarritu ezin bagara.

• Datuen eramangarritasun-eskubidea baliatzea, zeinak Datu Pertsonalak formatu elektroniko erabilgarrian jaso eta berrerabiltzeko aukera emango baitizu zure helburuetarako eta zerbitzu desberdinetarako, haien erabilerarako eragozpenik gabe, hirugarren bati transmititzea barne.
• Edozein unetan, tratamendu jakin bati dagokionez eman duzun baimena ezeztatzea.

Gomendatzen dizugu gurekin harremanetan jartzea zure informazio pertsonala eguneratzeko edo zuzentzeko, aldatzen den bezain laster, edo zuri buruz ditugun Datu Pertsonalak okerrak badira.

Applus+ erakundeak, kasuaren arabera, zure Datu Pertsonalak babesteko konpromisoa hartzen du Pribatutasun Politika honetan azaldutakoaren arabera eta aplikagarria den legeriaren arabera. Kontsultaren bat egin nahi baduzu edo zure eskubideak nola baliatu jakiteko informazio gehiago eskatu nahi baduzu, jarri gurekin harremanetan honako posta elektroniko honen bidez: rgpdautomotive@applus.com

Applus+  erakundeak zure Datu Pertsonalak hirugarrenekin partekatuko ditu honako egoera hauetan:

(a) Zerbitzu-emaileak eta merkataritza-bazkideak: Gure zerbitzu-emaileei eta merkataritza-bazkideei zure Datu Pertsonaletara sartzen utziko diegu; besteak beste, bezeroarentzako arreta-zerbitzuak (adibidez, call center erabiltzeko, SMSak edo posta elektronikoak bidaltzeko), administrazio-zerbitzuak (adib. Fakturen kudeaketa), banku-zerbitzuak (adib. ordainketa-pasabidea eskaintzea zerbitzuak zordunketa- edo kreditu-txartelen bidez kobratzeko), informatika-zerbitzuak (adib. datu-baseen edo softwareen kudeaketa), auditoria-zerbitzuak eta akreditazioekin lotutako  zerbitzuak ematen dizkigutenei, bai eta zerga-, aseguru- edo lege-zerbitzuak ematen dizkigutenei ere.

(b) Applus+ taldeko entitateak. Applus+  erakundeak eman dizugun zerbitzuaren fakturazioari buruzko zure datu pertsonalak partekatu ditzake, bai eta emandako prestakuntzari dagokionez ere, Taldeko beste enpresa batzuekin Applus+ kudeaketa ekonomiko, fiskal, administratibo, giza baliabideetako, barne-txostengintzako eta ikerketako helburuetarako, bai eta prestakuntza-zerbitzua emateko bitartekoak eta euskarriak errazteko ere. Taldeko entitateen zerrenda kontsulta dezakezu Applus+ honen bidez: www.applus.com/appluscompanies.     

(c) Segurtasun indar eta kidegoak, epaile eta auzitegiak, entitate arautzaileak, gobernu-agintariak edo eskumena duten beste hirugarren batzuk. Zure Datu Pertsonalak hirugarren horiekin parteka ditzakegu lege- edo erregelamendu-betebehar bat betetzeko beharrezkoa denean, edo beste edozein modutan gure eskubideak eta hirugarrenen eskubideak babesteko.

(d) Aktiboen erosleak eta bat-egitea. Zure Datu Pertsonalak partekatuko ditugu gure aktibo eta negozio guztiak edo ia guztiak erosten dituen edo zeinari transferitzen dizkiogun edozein hirugarrenekin, edo zeinekin bat-egite, sendotze, integrazio edo antzeko berregituraketa bat egiten dugun. Salmenta edo transferentzia hori gertatzen bada, ahalegin arrazoizko guztiak egingo ditugu zure Datu Pertsonalak transferitzen dizkiogun entitateak Pribatutasun Politika honekin bat etorriz trata ditzan bermatzeko.

Negozio global baten parte gisa jarduten dugunez, goian aipatutako hartzaileak zure jurisdikziotik kanpo egon daitezke (edo zerbitzuak ematen ditugunetik kanpo), Europar Batasunetik kanpoko hirugarren herrialdeak barne ("EB"), zeinei dagokienez uste baita ez dutela Datu Pertsonalen babes-maila egokia ematen. Mesedez, jo ezazu "Nazioarteko Datu Transferentziak" atalera informazio hau zabaltzeko.

5. Nola babesten ditugu zure Datu Pertsonalak?

Neurri tekniko eta antolakuntzakoak ezartzen ditugu tratatutako Datu Pertsonalen arriskuari egokitutako segurtasun-maila bermatzeko. Neurri horien helburua Datu Pertsonalen etengabeko osotasuna eta konfidentzialtasuna bermatzea da. Neurri horiek aldian-aldian ebaluatzen ditugu tratamenduaren segurtasuna bermatzeko.

6. Zenbat denboraz gordetzen ditugu zure Datu Pertsonalak?

ITV zerbitzuaren kudeaketari dagokionez, zure Datu Pertsonalak gordeko ditugu zurekin harremana mantentzen dugun bitartean eta handik bost (5) urteko epean. Epe hori igaro ondoren, zure Datu Pertsonalak soilik  gordeko ditugu legea betetzeko horretara behartuta bagaude, edo zure Datu Pertsonalak gordetzea arrazoiz eskatzen duten erreklamazio edo kexa ebatzi gabeak badaude.

ITV prestakuntza-ikastaroen kudeaketari dagokionez, prestakuntza   ematen den bitartean, eta zerbitzu hori amaitzean, honakoa ahalbidetzen digun epe batez:

• Merkataritza-erregistroak mantentzea analisi- eta/edo auditoria-helburuetarako;
• Aplikagarria den araudian ezarritako kontserbazio-baldintzak betetzea;
• Edozein lege-demanda defendatzea edo aurkeztea, dela existitzen dena, dela potentziala;
• Zerbitzuei buruzko edozein erreklamazio izapidetzea;

Tratamenduaren helburua zozketetan edo antzeko promozioetan parte hartzea bada, kontserbazio-epea zozketan eta/edo promozio zehatzean izena eman zenetik hura ospatu eta amaitu eta urtebete (1) igaro arteko denborara mugatuko da.

Zure Datu Pertsonalak Europar Batasuneko legeriaren arabera datu pertsonalen babes-maila egokia ematen ez duten herrialdeetara, hala nola Filipinetara edo Estatu Batuetara, transferitu, bertan gorde eta tratatu daitezke.

Berme egokiak ezarri ditugu (bereziki, kontratu-konpromisoak), aplikagarriak diren lege-eskakizunen arabera, zure datuak behar bezala babestuta egon daitezen, Europako Batzordeak onartutako kontratu-klausula tipoetan oinarrituta; hemen kontsulta ditzakezu:

• Datu pertsonalak Erkidegotik hirugarren herrialdeetara transferitzeko kontratu-klausula tipoak (tratamenduaren arduradunen arteko transferentziak): 2004/915/EE Erabakia.
• Hirugarren herrialdeetan ezarritako tratamenduaren eragileei datu pertsonalak transferitzeko kontratu-klausula tipoak: 2010/81/EB Erabakia.

Berme egoki horiei buruzko informazio gehiago lortzeko, jarri gurekin harremanetan Politika honen 8. atalean  adierazten den moduan.

8. Jarri gurekin harremanetan

Applus+ erakundea da, kasuaren arabera, biltzen eta tratatzen ditugun Datu Pertsonalen tratamenduaren arduraduna.

Zure Datu Pertsonalen tratamenduari buruzko galderarik edo zalantzarik baduzu, jarri gurekin harremanetan honen bidez: rgpd.automotive@applus.com

Zurekin lankidetzan aritzeko konpromisoa hartu dugu, pribatutasunarekin lotutako edozein erreklamazio edo zalantzari buruzko ebazpen bidezkoa lortzeko. Hala ere, zure erreklamazioarekin edo zalantzarekin lagundu ezin izan dizugula uste baduzu, Datuak Babesteko Espainiako Agentziaren aurrean erreklamazioa aurkezteko eskubidea izango duzu, bere webgunearen bidez: www.agpd.es.

9. Pribatutasun Politika honen aldaketak

Pribatutasun Politika honen kopia bat eskatzeko eskubidea duzu, aurrez adierazitako harremanetarako datuak erabiliz. Pribatutasun Politika hau aldaketen mende dago, noizean behin beharrezkotzat jotzen den moduan.

Pribatutasun Politika hau aldatzen badugu, aldaketen berri emango dizugu Pribatutasun Politikaren aldaketek tratamenduaren izaeran funtsezko eragina dutenean, edo beste modu batean zuregan eragin nabarmena dutenean; nahikoa aurrerapenez jakinaraziko dizugu, zure eskubideak baliatzeko aukera izan dezazun (adibidez, besteak beste, tratamenduaren aurka egitea).

Halaber, eta Applus+  erakundea bere tratamendu-jarduerak egiteko baimenean oinarritzen den neurrian, zure baimena eskatuko dugula ziurtatuko dugu, aipatutako aldaketek dagokion tratamenduan eragin nabarmena izan dezaketenean, aldaketa horiek indarrean jarri aurretik.

2020KO APIRILAREN 21A

Pribatutasun Politika honen 1. Bertsio eguneratua, 2018/5/25ekoa.